部份圖片來源：互聯網
假，放完。工，開緊。人，冇靈魂。眼，走咗神。簡單幾句，足以形成這個星期的你同我。面對繼續做的事實都不要緊，最慘係放假期間晚晚冇兩點都唔瞓，依家後遺症出晒嚟呢個現實！眼袋、眼圈、眼紋……唔好再講喇！諗方法打救自己吧啦！
第一招 搽嘢
你想話老生常談係咪？係嘅！冇得否認，搽嘢是保養其中一環，甚至係最重要的Step。不過，一向只塗開眼霜的你係時候改改習慣，麻煩加埋眼部精華呢一步；今次冇咗對眼的主因為疲累，而當眼肌活力不夠，吸收力自然下降，眼霜內的營養因子就好似突然發大咗咁進不到肌底，影響修護效果。所以，想盡快搵返雙眼，份子相對較細又濃縮的眼部精華才是真正救星。
新到眼部精華
質感清新透亮，深層滋養肌膚，回復緊緻彈性，重塑眼部線條。
GIORGIO ARMANI Crema Nera Extrema Volume Reshaping Eye Serum (HK$1,540/15ml)
萃取自千年赤松的珍罕成份De-Aging Active逆齡活膚精萃，能激活長壽基因，修復衰老受損細胞。
SULWHASOO Timetreasure Renovating Eye Serum (HK$1,800/20ml)
豐富白百合、洋甘菊花萃取，賦予雙眼水潤、光澤及緊緻。
MDNA The Eye Serum (HK$1,500/15ml)
第二招 按摩
好喇！又想話小編講啲阿媽係女人的說話係咪？係嘅！其實護膚的大前提來來去去都是果幾樣，但想效果愈來愈好，就在於一些小改變。說到眼周的穴位，可能你合埋眼都識按，但如何加強效果呢？除了時間與力度，不妨再試下邊敷眼膜邊按壓；上頁講過，所有產品都要皮膚吸收得好才見效，而此舉就可促進細胞吸收力兼同時提供可吸收的養份，協同效應自然大於1+1。
新到眼膜
蘊含9種抗禦刺激成份，包括水飛薊及白樺，可紓緩雙眼疲勞及浮腫。
ESTEE LAUDER Advanced Night Repair Concentrated Recovery Eye Mask (HK$500/8pairs)
有機青瓜精華萃取、透明質酸深層保濕，有助淡化眼紋及皺紋，賦予肌膚年輕彈性，煥發光澤。
APIVITA Eye-Puffiness Mask With Ginkgo Balboa (HK$310/12 x 2ml)
第三招 食療
強制性地迫自己應該食甚麼，反而會造成心理壓力，一樣影響成效，得不到預期效果。其實，除了正餐，不少小吃都有護眼明眸作用，這段期間，放下薯片、朱古力、糖果等等無益零食，在觸手可及的地方放上葵花籽、杏仁、提子乾、藍莓乾等乾果類，便可於不知不覺間起了活眼作用。
