箍牙變甩牙？箍牙前要清楚的3件事，小心自己箍錯牙！（有圖慎入）

唔係嚇你，箍錯牙分分鐘搞到你甩晒牙全部牙！冇錯，係全部牙都甩晒啊！泰國就有網民分享，有個女仔為咗想自己棚牙睇起來靚啲，所以搵牙醫箍牙點知遇上位「求其牙醫」，未做好評估就幫該女生箍牙，最終因為力度過大， 令骨骼碎裂之餘，牙齒亦變得鬆動並供血不足，最終......成棚牙甩晒！

今次因為牙醫嘅失誤而賠上成棚牙同一世都唔會忘記嘅陰影，的確係嗰位女仔唔好彩！不過其實喺箍牙前都有好多需要注意嘅地方，唔想箍錯牙就快啲睇清楚！

1. 了解自己真正需要
好多女仔郁啲就話要箍牙，但其實人嘅牙齒有少少唔齊係絕對正常，所以箍牙前一定要分清楚自己係「想箍」定「真係要箍」！如果你嘅牙齒係排列得十分異常、哨牙、「倒及」，或者係咬合過深現象，就真係需要啦！

2. 「大個先箍不如唔好箍？」

雖然箍牙嘅最佳時段的確係兒童時期，只要發現牙齒有問題，就可以向牙齒查詢再進行進行矯形。不過若然成年後先想箍牙，就一定要搵牙醫做一個深入嘅評估。若然怕帶住牙套影響觀感或引起工作不便嘅話，可以考慮做陶瓷牙片，直接貼於牙齒表面，令牙齒睇起來又齊又白！不過呢個方法並唔可以解決哨牙、「倒及」等問題 ，只能解決生得唔齊或幫牙齒美白，做之前最好問清楚牙醫啦！

3. 揀金屬矯齒器定透明牙套？

以往相對傳統嘅方法多數係用金屬矯齒器方法，將金屬牙釘及鋼線「釘」喺牙上，再由牙醫定期調較鋼線，慢慢將牙齒矯箍齊，呢個方法雖然較為常見，但因為外觀同鋼線會整損口腔，所以都少咗人用！而透明牙箍外觀上睇落同冇箍一樣，喺食嘢同刷牙時除低就可以。不過無論係金屬矯齒器定透明牙套，如果冇再戴之後，牙齒可能隨年月增長而走位，都有機會要繼續配戴矯齒維持器。不過每個人嘅情況都會唔同，做之前最好問清楚專業牙醫嘅意見啦！

Source：หมอแล็บแพนด้า