瞓多15分鐘都得！日本美妝速報，懶人必買「早安蜜粉」！

好多女仔就算幾眼瞓都好，為咗每日以最佳狀態出門，都一定要提早少少起身裝扮吓！但最近日本美妝界又有新突破，推出一款全新「懶人恩物」，講明用完可以令貪靚又爛瞓嘅你一起身就有超好膚質！講到咁神，一於睇吓係咩啦！

日牌Saborino都可算為「懶人必備品牌 No. 1」，皆因品牌早前推出嘅「早安面膜」已經主打起身一敷已經完成洗臉＋護膚，仲有「頭髮速乾噴霧」等各位女士可以省卻吹頭嘅時間。最新全新推出嘅「早安蜜粉」唔只可以用來定妝，因為一盒已經可以做到防曬（SPF 50 PA＋＋＋）、粉底、遮暇以及碎粉用途，用法亦十分簡單，只需要於洗臉後直接用「早安蜜粉」，已經可以化出陶瓷肌效果，絕對係懶人必備，好多日本女仔已經大推呢件新品，去日本記得掃貨啦！

asako◡̈⋆*（@asaren77）分享的貼文 於 2017 年 10月 月 1 7:05下午 PDT 張貼

SHiON🇵🇭x🇯🇵（@shioninsta）分享的貼文 於 2017 年 10月 月 2 1:43上午 PDT 張貼

想再懶啲，仲可以買埋另一品牌嘅「3秒潤膚噴霧」，只要直接噴上就可以為肌膚保濕，不但可以噴喺身體，就連臉同頭髮都用得，絕得係省時好幫手！

雖然兩款新品都算得上為「懶人恩物」，但其實「早安面膜」係咪真係有用，真係見人見智！因為對於膚質好嘅女生們就算化唔化妝都冇分別，若然膚質唔好，相信只靠「懶人蜜粉」效果都唔可以化出陶瓷肌，所以就算點懶都好，女仔千期唔可以懶到唔護膚！

來源：Instagram、Twitter