advertisement
化妝品唔單止係裝飾品，仲可以為女性發聲！美國彩妝品牌Lipslut推出一支名為「F*ck Trump」唇彩，故名思義就係為咗抗議特朗普的不公政策，無論係包裝定標語，都有濃烈嘅反諷味道，一推出就大熱賣！
美國總統特朗普言論出位，其中包含唔少歧視女性嘅言論令人反感，令化妝品界都要企出嚟發聲！品牌創辦人Katie Sones表示，顧客購買唇彩後，可即時從清單中挑選心水慈善機構投票，品牌將捐出唇彩售價的50%予得票最高的慈善機構，當中就包括日前美國維吉尼亞州夏洛茨維爾（Charlottesville）發生嘅種族衝突事件嘅夏洛茨維爾鎮受害家庭，作為傷者嘅醫療費用，短短四日已籌得4萬美金 （約31萬港元） 善款，令到更多人和應購買！
向來以關心社會議題為宗旨的彩妝品牌Lipslut，喺唇彩嘅包裝設計上都用咗唔少心思，shape醒嘅撞色充滿普普藝術風格，仲搵埋特朗普化埋妝嚟做「代言人」，唇膏外殼則是印著「F*ck Trump」字樣，表達強烈不滿，製作夠晒認真！
除咗講出訴求，呢支唇彩聽講嚟緊仲會出多啲顏色，一支售價19.95美元（約157港幣），買多幾支實用得着！
圖片來源：Pinterest、Refinery29、Revelist、Scoopnest、hello.lipslut @Instagram
