advertisement
圖片、截圖來源：互聯網、VIU.COM
還記得上年無線頒獎禮的炸雞宴嘛？當一眾藝員食得津津有味果陣，電視機前原來罵聲四起，之後仲大把人去咗投訴，搞到TVB俾人罰錢添，結果今年咪冇得再睇囉！其實，說到置入式廣告，韓劇絕對不比港劇少，而且種類多到你唔信，晚晚煲劇嘅你，點解又唔鬧先！
《孤單又燦爛的神—鬼怪》
彼彼都是炸雞，但李棟旭就演繹得搞笑又自然，而且符合劇情，比在頒獎禮上的硬Tag，又確係冇得鬧嘅！
不過，出現在《孤單又燦爛的神—鬼怪》裡的置入式廣告又確實太多囉，仲有快餐店、雪糕店、傢俬舖、韓食店、健康飲品、Cafe……看來金編劇繼《太陽的後裔》之後又一代表作，I mean廣告收入方面呢！呀！小編還數漏了明星代言，咁又有邊個會上榜呢？
《孤單又燦爛的神—鬼怪》孔劉
送俾女友金高恩都算，孔劉仲要直踩落舖硬Sell呢支香水。不過，鬼叫你型咩，畫面毫無遺和感，唔鬧不特止，仲要頒個最佳代言人俾你啦！
《孤單又燦爛的神—鬼怪》劉寅娜
劉寅娜為了李棟旭而要扮靚靚，所以去化妝專櫃補妝，其實都好合情合理，而且仲成功將日本化妝品牌打入韓劇之中，驚喜嚟嘅，鬧咩啫！
《舉重妖精金福珠》李聖經
女星在劇中化妝或是護膚都已經係老掉牙的置入畫面，而且劇中不是美女的李聖經係為咗見男仔喎，絕對Tag中了某些女生，如此有共鳴，點可以鬧呢又！
