advertisement
圖片來源：互聯網
望穿秋水，終於俾小編等到喇！韓國年尾兩套水木劇：《舉重妖精金福珠》同《藍色海洋的傳說》 今晚齊齊首播！不過，雖然話全智賢同李敏鎬都好耐冇拍電視劇，但小編更鍾情另一邊嘅一對新鮮人：李聖經同南柱赫，真係諗起都開心，心情愉快到皮膚都靚埋！不過，煲劇都有害處嘅，睇之前準備好Eye Serum、Eye Cream、Eye Mask未先？
理由一 不要再穿越好嗎？
《藍色海洋的傳說》劇情包括了古今，由美人魚全智賢引領由古代游到現代。可惜講穿越前有《步步驚心：麗》，一人分析兩角又有過《W-兩個世界》，睇到小編都累了，這時候，更需要《舉重妖精金福珠》呢類小品輕鬆一下。
理由二 男主不能太錫身！
唔係講緊上刀山落油鑊，不過是想男星們送多少少福利俾粉絲而己。相對李敏鎬的正經西裝Look，扮游水高手的南柱赫就大方得多！胸肌、腹肌、背肌、二頭肌……露得嘅都盡情咁露，點可以唔睇呢！
理由三 男女主角夠新鮮！
相比全智賢和李敏鎬兩位前輩，無論是南柱赫還是李聖經，都是首次擔正做男女一，為求表現，想必會出多兩錢力，不但組合新鮮，兩人的演技更是令人期待。
理由四 讓人想起可貴的那些年！
大學的世界，介乎於幼稚與成熟之間，談戀愛更是正經事，有誰沒有笑過、哭過、耍賴過……這種成人世界裡不再存在的東西，更值得回憶細味吧！
理由五 給自己一股運動的動力
《舉重妖精金福珠》講嘅係一班體院大學生，題材健康又有活力，個個體型都勁好添！無意中給人運動起來的動力，說不定未到劇終，就因此減磅成功添！
